એક સર્વે પ્રમાણે દુનિયાભરમાં ઈન્ટરનેટનો વપરાશ ૧૦% ના દરે વધે છે જ્યારે ભારતમાં ઈન્ટરનેટનો વૃદ્ધિ દર ૩૩% નોંધાય રહ્યો છે. ગુગલ-ઈન્ડીયા દ્વારા પ્રાદેશીક ભાષાઓની રજુઆત થી નોન-ઈંગ્લીશ વપરાશકર્તાઓ ને ઘણો ફાયદો થયો છે અને ઈન્ટરનેટના વપરાશમાં પણ ખુબ જ મોટા પ્રમાણમાં વધારો જણાય રહ્યો છે. ચાલો જોઈએ ગુગલની વધુ એક પ્રાદેશીક ભાષાકીય સેવા.

આપના જીમેલને હવે આપ આપની માતૃભાષામાં પણ વાંચી શકો તે માટે ખુબ જ મહત્વની તેમજ ઉપયોગી સેવા ગુગલ દ્વારા ઉપલબ્ધ કરવામાં આવેલ છે, જીમેલમાં લોગીન કર્યા બાદ ડાબી બાજુએ ઉપરની તરફ રહેલ Settings પર ક્લીક કરવાથી જે પેજ ખુલશે તેમાં languages મેનુમાં ગુજરાતી સીલ્ક્ટ કરી લો અને નીચે રહેલા Save Changes બટન પર ક્લીક કરી દો… આટલું કર્યા બાદ એક વખત લોગ-આઉટ કરીને ફરીથી લોગીન કરો એટલે થઈ ગયુ આપનુ ગુજરાતી જીમેલ તૈયાર !

ફ્લેશ ડ્રાઈવ વાપરતા લોકો ઘણી વખત લાઈબ્રેરીમાં કે ઓફીસમાં તપાસ કરતા જોવા મળે છે કે “ભાઈ મારૂ ફ્લેશ ડ્રાઈવ કોઈને મળ્યુ છે, હું સવારે કોમ્પ્યુટરમાંથી કાઢતા ભુલી ગયો હતો” મોટે ભાગે કોલેજના કોમ્પ્યુટર પરથી ડાટાની હેર-ફેર કરતા વિધાર્થીઓ આવા સવાલ કરતા જોવા મળે છે અને ઘણી વખત તેઓ આ રીતે પોતાનું ફ્લેશ ડ્રાઈવ ગુમાવી પણ બેસતા હોય છે.

આવા જ એક વિધાર્થી હતા બ્રાડ ગ્રેકો, જે કહે છે “મને ફ્લેશ ડ્રાઈવ હંમેશા કોમ્પ્યુટરમાં ભુલી જવાની એક બહુ જ ત્રાસદાયક આદત પડી ગઈ હતી, દરવખતે લાઈબ્રેરીમાં જઈને ફ્લેશ ડ્રાઈવ વિશે તપાસ કરવાની આ મારી ખરાબ આદતથી કંટાળ્યો અને નક્કી કર્યુ કે આ સમસ્યાનો કોઈ ઈલાજ કરવો પડશે અને નક્કી કર્યુ કે એક એવો પ્રોગ્રામ લખવો જે મારી આ ભુલકણી આદતને હંમેશા યાદ અપાવ્યા કરે અને મને જણાવ્યા કરે કે તમારી ફ્લેશ ડ્રાઈવ તમારા કોમ્પ્યુટરમાં લગાડેલી છે અને જ્યારે કોમ્પ્યુટર શટ-ડાઉન કરે ત્યારે એક રીમાઈન્ડર આવ્યા કરે” અને જન્મ થયો આ ફ્લેશ ડ્રાઈવ રીમાઈન્ડર સોફ્ટવેરનો.

મિત્રો હવે તો સમજી ગયા જ હશો કે ફ્લેશ ડ્રાઈવ સોફ્ટવેર એ એક એવું સોફ્ટવેર છે જે જ્યારે તમે ફ્લેશ ડ્રાઈવ તમારા કોમ્પ્યુટરમાં ઈન્સર્ટ કરો છો ત્યારે તમને ઓપ્શન આપે છે જેની મદદ વડે તે તમને યાદ અપાવ્યા કરે છે કે તમારૂ ફ્લેશ ડ્રાઈવ હજુ તમારા કોમ્પ્યુટરમાં જ લગાડેલુ છે તેને કાઢવાનું ભુલશો નહી.

તો ચાલો કરીએ ડાઉનલોડ - ફ્લેશ ડ્રાઈવ રીમાઈન્ડર

ઈન્ટરનેટ વાપરતા દરેક વ્યકિત પાસે જીમેલનું એક એકાઉન્ટ તો હશે જ. આમ તો જીમેલમાં સ્પામ-ઈમેલ્સ બહુ ઓછા આવે છે પણ ઘણી વખત અણધાર્યા ઈમેલ આવી જતા હોય છે, તદઉપરાંત તમારા ઈનબોક્સમાં ઘણા એવા ઈમેલ પણ હશે જે તમને ભવિષ્યમાં કામ લાગે તેવા હોવાથી તમે તેને વાંચતા નથી અથવા તો ઘણી વખત કોઈ ઈમેલ અગત્યનો ન હોવા છતાં પણ આપણે તેને ડીલીટ નથી કરતા અને ભવિષ્યમાં ક્યારેક ફાજલ સમયે તે વાંચવાના ઈરાદા સાથે એ ઈમેલને unread મુકી દેતા હોઈએ છે, જેની સંખ્યા ધીમે ધીમે વધીને એટલા પ્રમાણમાં થઈ જાય છે કે તમારા ઈનબોક્સમાંથી પેજ-બાય-પેજ તેને શોધવા એ ખુબ જ સમય માંગી લેતી પ્રક્રીયા બની જતી હોય છે.

તમારી આ સમસ્યાના ઉકેલ માટે એક ખુબજ ઉપયોગી કમાન્ડ ગુગલ દ્વારા મુકવામાં આવેલ છે, તમારા ઈનબોક્સમાં રહેલા Search બોક્સમાં તમારે ફક્ત lable:undread ટાઈપ કરીને સર્ચ બટન પર ક્લીક કરવાનું રહેશે. આમ કરવાથી તમારા ઈનબોક્સમાં unread રહેલા તમામ ઈમેલ્સ તમારી સમક્ષ હાજર થઈ જશે.

તાજેતર માં આઈ.આઈ.ટી.,મદ્રાસ થી કોમ્પ્યુટર સાઈન્સની ડીગ્રી લઈને ગુગલમાં જોડાયેલ ૨૧ વર્ષના નાગા નરેશ કરૂતુરા એ ભારતીયો માટે ગૌરવ સમાન છે.

તમને નવાય લાગશે કે ૨૧ વર્ષના ઘણા વિધાર્થીઓ આઈ.આઈ.ટી. પાસ કરે છે અને ગુગલ જેવી ઘણી કંપનીઓ સાથે કામ કરે છે તો એમાં વળી નવીન શુ ?? પણ ના… નરેશ એ બધાથી અલગ તરી આવે છે.

આન્ધ્રપ્રદેશમાં ગોદાવરી નદીને કાંઠે વસેલા નાનકડા ગામ ટીપારૂમાં તેનો જન્મ થયેલા. નરેશના માતા-પિતા પાસે સાક્ષરજ્ઞાન નથી, દુ:ખદ વાત એ છે કે નરેશ પોતાના પગ પર ચાલી શકતો નથી. જાન્યુઆરી ૧૯૯૩માં થયેલ એક અક્સ્માતમાં તેના પગ ગુમાવ્યા બાદ તે બેટરીથી ચાલતી વ્હીલચેર નો ઉપયોગ કરે છે. નરેશ કહે છે કે “ભગવાન દરેક વસ્તુ સમજી-વિચારીને જ બનાવે છે અને મારા માટે પણ તેણે દરેક વાતનું ધ્યાન રાખીને બધુ પ્લાનીંગ પ્રમાણે બનાવ્યુ છે, અને કદાચ તે કારણે જ હું આટલો નસીબદાર છું”

ભુતકાળ યાદ કરતા નરેશ કહે છે કે “એક વાત હંમેશા મને વિસ્યમ કરાવે છે કે હું જ્યારે નાનો હતો, અને ધોરણ ૧-૨ માં હતો ત્યારે મારા પિતા નિશાળની ચોપડીઓ ખોલીને તેમાંથી સવાલ કરતા અને હું તેના જવાબ આપતો. તે સમયે હું જાણતો ન હતો કે મારા પિતા વાંચી-લખી શકે તેમ ન હતા, પણ મને ખુશ રાખવા માટે મને ભણતરમાં મદદ કરતાં.

સાભાર રેડીફ.કોમ