કોમ્પ્યુટર અને ઈન્ટરનેટના આ યુગમાં ડેટાની આપ-લે માટે યુએસબી ડ્રાઈવ એ હાથવગુ સાધન ગણવામાં આવે છે, પરંતુ આ સાધન દ્વારા વાયરસ ફેલાવવાની શક્યતાઓ પણ એટલી જ વધારે છે. તમારૂ કોમ્પ્યુટર ભલે અત્યાધુનીક અને અપડેટેડ એન્ટી-વાયરસથી સજ્જ હોય, પરંતુ બીજાના કોમ્પ્યુટરમાં ડેટાના વહન વખતે તમે એન્ટી-વાયરસ વિશે કેટલી તકેદારી લો છો ? અને ક્યારેક એન્ટી-વાયરસ ન હોવા છતાં પણ જરૂરીયાતને કારણે તમારે તમારૂ યુએસબી પેન-ડ્રાઈવ એ બીનસલામત કોમ્પ્યુટરમાં વાપરવું પડતું હોય છે. આ વખતે જો તમારા યુએસબી પેન-ડ્રાઈવમાં સુરક્ષા મુકેલ હોય તો તમે કોઈ પણ જાતના વાયરસના ડર વગર પેન-ડ્રાઈવનો ઉપયોગ કરી શકશો.

આવી જ એક કલ્પનાને સાકાર કરવા માટે યુએસબી પ્રોટેક્ટરનો જન્મ થયો, આ સોફ્ટવેર તમારા પેન-ડ્રાઈવમાં ઈન્સ્ટાલ કરવાથી તે રાઈટ-પ્રોટેક્ટ મોડમાં આવી જશે, જેના કારણે તમારૂ પેન-ડ્રાઈવ ફક્ત વાંચી શકાશે, તેમાં કોઈ પણ પ્રકારનો ડેટા લખી શકાશે નહી, મોટાભાગના વાયરસ અને ટ્રોઝન તમારી જાણ વગર તમારા યુએસબી ડ્રાઈવમાં તમારી સંમતી વગર આવતા હોય છે પણ આ પ્રોટેક્ટરની મદદથી કોઈ પણ પ્રકારના ટ્રોજન, ડેટા કે વાયરસનો પ્રવેશ અશક્ય બની જશે, અને તમારી પેન-ડ્રાઈવ વાયરસના હુમલાથી સુરક્ષીત રહેશે.

આ યુએસબી રાઈટ-પ્રોટેક્ટર સોફ્ટવેર પ્રમાણમાં ખુબ જ નાનો અને વિનામુલ્યે રજુ કરવામાં આવેલ હોવાથી તેનો ઉપયોગ કરવો અતિ સરળ બનશે, ડાઉનલોડ કરવા માટે અહિંયા ક્લીક કરો

બ્રાઉઝરની દુનિયામાં માઈક્રોસોફ્ટ ઈન્ટરનેટ બ્રાઉઝ નો કબ્જો ઘણાં વર્ષોથી છે, લગભગ ૫૬% જેટલા લોકો તેનો ઉપયોગ કરે છે. બાકીના બ્રાઉઝર ૪૬%માં લડાઈ કરતા રહે છે જેમાં મોજીલા ફાયરફોક્સ પણ સામેલ છે. પણ હવે માઈક્રોસોફ્ટ ઈન્ટરનેટ બ્રાઉઝર અને મોઝીલા ફાયરફોક્સ સામે એક નવો અને સબળ સ્પર્ધક આવી ગયો છે, તે છે “ગુગલ ક્રોમ”.

ઈન્ટરનેટ એક્સ્પ્લોરર માં રહેલી ખામીઓ સામે લડવા માટે ગુગલ દ્વારા એક ઓપન સોર્સ બ્રાઉઝર થોડા કલાકો પહેલા રજુ કરવામાં આવ્યુ છે. ગુગલ લેબ તરફથી એવો દાવો કરવામાં આવ્યો છે કે આ બ્રાઉઝર તમામ બ્રાઉઝર કરતા ઝડપી અને ખુબ જ ઓછી જગ્યા રોકતું બ્રાઉઝર છે, તેમજ તમામ આધુનીક વેબ એપ્લીકેશન જે સપોર્ટ કરે છે. હાલપુરતું તેનું બીટા વર્ઝન રજુ કરવામાં આવ્યું છે જે માઈક્રોસોફ્ટ વિન્ડોઝ પર જ ચાલી શકશે, ખુબ જ ટુંક સમયમાં બીજી ઓપેરેટીંગ સિસ્ટમ પર ચાલી શકે તેવું વર્ઝન પણ રજુ કરી દેવાશે. અહિંયા આ લીન્ક પર આપ જોઈ શકશો કે ગુગલ દ્વારા આ બ્રાઉઝરને ઈન્ટરનેટની દુનિયામાં ઉતારવા માટે કેવા તુક્કા લગાડેલ. આઈ.ટી. નિષ્ણાંતોના મત પ્રમાણે ગુગલના આ બ્રાઉઝરની રજુઆત સાથે જ ઈન્ટરનેટ બ્રાઉઝરની દુનીયામાં થનારી મોટી ઉથલ-પાથલના એંધાણ મળી રહ્યા છે. ગુગલનું આ બ્રાઉઝર આપ અહિંયાથી ડાઉનલોડ કરી શકશો.

આપની વેબસાઈટ કે બ્લોગ ઈન્ટરનેટ બ્રાઉઝર સિવાય બીજા કેટલા બ્રાઉઝર ને સપોર્ટ કરે છે તે જોવા માટે આ લીન્ક જુવો:

૧૯૯૬માં એક જુઠાણા સાથે આઠ અઠવાડીયમાં જ અસ્તિત્વમાં આવેલ ઓપેરેટીંગ સીસ્ટમ એમએસ-ડોસ દ્વારા કોમ્પ્યુટર જગતમાં ખળભળાટ મચાવી દેનાર બીલ ગેટ્સ અને તેની કંપની માઈક્રોસોફ્ટ દ્વારા વખતો વખત અનેક સોફ્ટવેર અને ઓપરેટીંગ સીસ્ટમને બજારમાં મુકી પોતાની મોનોપોલી સ્થાપીત કરેલી. મોનોપોલી ની સાથે સાથે અનેક લોકોની ખફગી પણ વહોરેલી, આવા લોકો વખતો વખત માઈક્રોસોફ્ટને પછડાટ આપવા માટે અવનવા કીમીયાઓ લઈને આવતા હોય છે, આવો જ એક કીમીયો છે એક્સેલ પાસવર્ડ રીમુવર નો.

માઈક્રોસોફ્ટ એક્સેલમાં ફાઈલને સુરક્ષીત કરવા માટે પાસવર્ડ પ્રોટેકશનની એક ખુબ જ અગત્યની સેવા મુકેલ છે, જેની મદદ વડે તમે એક્સેલ ફાઈલમાં રહેલા ડેટાને પાસવર્ડ વગર ખોલી ન શકાય તે પ્રમાણે સુરક્ષીત કરી શકો છો. પણ જો તમારી પાસે માઈક્રોસોફ્ટ એક્સેલની પાસવર્ડ પ્રોટેક્ટેડ ફાઈલ હોય અને અક્સ્માતે તમે પાસવર્ડ ભુલી ગયા હો તો તમારા માટે હાજર છે કે એક એવી યુટીલીટી જે પાસવર્ડને તોડીને તમારી ફાઈલને સ્ક્રીન પર બતાવી આપશે. એક્સેલ પાસવર્ડ રીમુવર એ એક એવો સોફ્ટવેર છે જે માઈક્રોસોફ્ટ એક્સેલની ફાઈલને આપેલા પાસવર્ડને નકામો બનાવી દે છે અને ખુબ જ આસાનીથી ફાઈલમાં રહેલા ડેટાને તમારી સમક્ષ રજુ કરી આપે છે.
વ્પાસવર્ડ રીમુવરની એક ખાસીયત એ પણ છે કે તે ફક્ત એક્સેલ ૫.૦ અથવા તો એક્સેલ ૨૦૦૦, એક્સેલ-એક્સપી અને એક્સેલ ૨૦૦૩ ને જ સપોર્ટ કરે છે.
એક્સેલ પાસવર્ડ રીમુવર અહિયાંથી ડાઉનલોડ કરી શકાશે.

બીલ ગેટ્સ વિશે વધારે માહીતી માટે નીચેની લીન્ક તપાસો
માઈક્રોસોફ્ટ દ્વારા રજુ કરાયેલ બીલ ગેટ્સ
માઈક્રોસોફ્ટ ની શરૂઆત પહેલાના બીલ ગેટ્સ
બીલ ગેટ્સની અનધિકૃત વેબસાઈટ
બીલ ગેટ્સ વિશે દિવ્યભાષ્કર દ્વારા

૩D ઓનલાઈન કોમ્યુનીટી Second Life ની સફળતાથી પ્રેરાઈને ગુગલ પણ ૩ડી માર્કેટમાં જંપલાવવાનો વિચાર કરતું હતું, લગભગ એકાદ વર્ષની ચર્ચાઓ-અફવાઓ ને અંતે lively.com ના નામે ગુગલ દ્વારા આ સેવાનો આરંભ થઈ ગયો.

૮મી જુલાઈ ૨૦૦૮ ના રોજ થી રજું થયેલ આ 3D વેબસાઈટ એ ચાટીંગના રસીયાઓ માટે એક મહત્વનું સ્થળ બની જશે, અત્યાર સુધી જેઓ યાહું અને ગુગલમાં સાદી વાતચીત કરતા હતા તે હવે 3D માં અને હરતા-ફરતા વાતો કરી શકશે અને પોતાનું સાઈબર સ્વરૂપ પણ બનાવી શકશે. lively.com નો ઉપયોગ કરવા માટે ગુગલ દ્વારા બનાવેલ એક એપ્લીકેશન આપના કોમ્પ્યુટરમાં એક વખત ઈન્સ્ટાલ કરવી જરૂરી છે. આ એપ્લીકેશન રન કર્યા બાદ આપના જીમેલનાં આઈ-ડી થી લોગીન કરી આ ત્રી-પરીમાણીય સફર માણી શકાશે.

ચાલો શરૂઆત કરીએ ગુજરાતી કોમ્યુનીટીના રૂમથી, ગઈકાલે રાત્રે જ આ રૂમ બનાવવામાં આવેલ હોવાથી અત્યારે તેમાં વધારે સાજ-સજાવટ જોવા નહી મળે, પણ બહુ જ ઝડપથી તેમાં ઘણા સુધારાઓ કરીને રજુ કરવામાં આવશે.

ગુગલ લાઈવ્લી વિશે વધારે માહીતી માટે જુવો :