હજાર શબ્દો જે ન કહી શકે તે એક ચિત્ર કહી જાય છે, અને જો ચિત્ર ને બદલે વિડીયો હોય તો ???? વિડીયો વડે મદદ કરવી એ આજકાલ વધારે સહેલુ બનતુ જાય છે, ઘણી વખત તમારે કોઈ સોફ્ટવેર વિશે વધારે જાણવું હોય છે પણ તે વિશેનું વાંચન એટલુ કંટાળાજનક હોય છે કે જાણવાની ઈચ્છા હોવા છતાં પણ તમે તે વાતને પડતી મુકો છો. પણ જો વાંચનની જગ્યાએ તમને કોઈ વિડીયોથી શિખવાનું હોય તો ??? તમે ક્યારેય ના નહિ કહો.

આજે અહિયા વાત કરીએ છીએ UTIPU ની, એક એવો સોફ્ટવેર જેની મદદ વડે તમે પણ કોઈ ટ્યુટોરીયલ (શેક્ષણીક) વિડીયો બનાવી શકો છો. એટલે કે તમારા મોનીટર પર થતી દરેક ગતીવિધીને તે વિડીયોના સ્વરૂપે રેકોર્ડ કરી લેશે, જે તમે યુટ્યુબ જેવી વેબસાઈટ પર અપલોડ કરી શકો છો અથવા તમારા દોસ્તોને પણ આપી શકો છો.

UtipU સોફ્ટવેરને અહિયાથી ડાઉનલોડકરી શકો છો. સૌથી મજાની વાત એ છે કે આ સોફ્ટવેર વિનામુલ્યે ડાઉનલોડ કરી શકો છો તેમજ કોઈ પણ કોડેકની મદદ વગર વિડીયો જોઈ શકાય છે. અને આ વિડીયોને એડીટ કરવો હોય તો વિન્ડોઝ વિસ્ટામાં મુવીમેકર છે જ, તે સિવાય પણ એક ફ્રી સોફ્ટવેર છે એવીડ ફ્રી ડીવીડી જે ડાઉનલોડ કરીને તમે એડીટીંગ પણ કરી શકો છો. જો ઓનલાઈન એડીટીંગ કરવુ હોય તો જામકટ.કોમ પર કરી શકાશે.

વર્ડપ્રેસ પર બ્લોગ ધરાવતા મિત્રો માટે એક આનંદદાયક સમાચાર ગઈકાલે વર્ડપ્રેસના સંસ્થાપક મેટ દ્વારા આપવામાં આવ્યા. છેલ્લા ચાર-પાંચ વર્ષથી વર્ડપ્રેસ (ઓટોમેટીક)અને યાહુ.કોમ વચ્ચે ચાલી રહેલી wp.com ડોમેનની માલીકી માટે ચાલી રહેલી લડાઈનો ગઈકાલે અંત આવી ગયો છે. મેટના જણાવ્યા પ્રમાણે wp.com ડોમેન હવેથી સંમ્પુર્ણપણે વર્ડ્પ્રેસ(ઓટોમેટીક) ના હસ્તક આવી ગયુ છે, જે છેલ્લા એકાદ વર્ષથી યાહુ એ મિત્રદાવે આ ડોમેન વર્ડ્પ્રેસને તેઓના આંતરીક ઉપયોગ માટે વાપરવા આપેલ હતું.

ગઈકાલે રાત્રે પોતાના બ્લોગ પર અંત્યત ઉત્સાહીતપણે મેટ દ્વારા wp.com ને ખરીદી લેવાની વાત જણાવી હતી, સાથે સાથે વાંચકો તથા વપરાશકર્તાઓ પાસેથી જવાબ પણ માંગ્યો છે કે wp.com ડોમેનનો ઉપયોગ કઈ રીતે કરવો ? વપરાશકર્તાઓ તેના જવાબ અહિંયા આપી શકે છે.

એક શક્યતા એવી પણ જણાય છે કે વર્ડપ્રેસ પર રહેલા તમામ બ્લોગને wp.com પર લઈ જવામાં આવશે જેનાથી વપરાશકર્તાઓ ને ટુંકુ અને સહેલું ડોમેન મળશે, જેમકે kakasab.wordpress.com ને બદલે kakasab.wp.com દ્વારા બ્લોગ જોઈ શકાશે, ટુંકા URL ની દોડમાં આખરે વર્ડપ્રેસ પણ સામેલ થયુ.