આજે સવારે વર્ડપ્રેસના પ્રવક્તા જેન વેલ્સ ના જણાવ્યા મુજબ વર્ડ્પ્રેસની નવી આવૃતિ ૩.૦ તેના બીટા૧ સ્વરૂપે વપરાશકારો માટે ઉપલબ્ધ થઈ ચુકી છે. બીટા-૧ સ્વરૂપે રજુ કરાયેલ આ આવૃતિમાં હજુ ઘણા ફેરફારો થવાની શક્યતાઓ છે, હાલપુરતી આ આવૃતિ ડેવેલોપર તેમજ ડીબગર્સ માટે રજુ કરવામાં આવી રહી છે, અને તેમના અભિપ્રાયો લેવામા આવી રહ્યા છે જેના અંતે ફરી એક વખત અંતિમ આવૃતિ સ્વરૂપે વર્ડપ્રેસ ૩.૦ ને ટુંક સમયમાં રજુ કરવા આવશે. જેન વેલ્સના જણાવ્યા મુજબ હજુ એક સપ્તાહ સુધી આ બીટા-૧ આવૃતિનું ટેસ્ટીંગ ચાલશે, ત્યારબાદ સપ્તાહના અંતે કદાચ વર્ડપ્રેસ ૩.૦ તરીકે આખરે રજુ કરાય તેવી શક્યતા પણ જણાય રહી છે.

Twenty Ten - Default theme for Wordpress 3.0

નવી આવૃતિ વર્ડપ્રેસ ૩.૦ ના મુખ્ય પાસાઓ:
(1) તમારૂ પોતાનું એડમીન યુઝરનેમ બનાવી શકશો
(જુની આવૃતિઓમાં યુઝરનેમ ફરજીયાતપણે એડમીન જ રહેતું)
(2) કસ્ટમ પોસ્ટ ટાઈપ જેના વડે વિડીયો, પોર્ટફોલીયો, પ્રોડ્ક્ટ્સ વગેરે પોસ્ટ કરી શકાશે
(જુની આવૃતિઓમાં ફક્ત પેજ અને પોસ્ટ જ લખી શકાતી)
(3) નવી થીમ “ટ્વેન્ટી ૧૦”  ડીફોલ્ટ થીમ તરીકે
(જુની આવૃતિમાં વર્ષોથી  કુબ્રીક ડીફોલ્ટ થીમ તરીકે રહેલી)
(4) વર્ડપ્રેસ એમયુ અને વર્ડપ્રેસ બંન્નેનું મિશ્રણ
(જેના વડે મુલ્ટી ડોમેન સુવિધા મેળવી શકાશે)
(5) સરળ મેનુ મેનેજમેન્ટ સિસ્ટમ
(ડ્રોપ ડાઉનમેનુ તેમજ કેટેગરી મેનું પણ બનાવી શકાશે)
(6) કસ્ટમ બેકગ્રાઉન્ડ સપોર્ટ
(બેક્ગ્રાઉન્ડ કલર તેમજ ઈમેજ સરળતાથી બદલી શકાશે)
(7) કસ્ટમ હેડર સપોર્ટ (હેડર ઈમેજ બદલી શકાશે)
(8) નવા વપરાશકારો માટે વેલકમ ગાઈડ
(ઈન્સ્ટાલેશન મદદ અને ઓનલાઈન સપોર્ટ મેળવી શકાશે)

વર્ડપ્રેસ ૩.૦ વિશે વધારે માહીતી મેળવવા અહિંયા ક્લીક કરો
વર્ડપ્રેસ ૩.૦ બીટા-૧ ડાઉનલોડ કરવા માટે અહિંયા ક્લીક કરો.

વર્ડપ્રેસ ૩.૦ બીટા-૧ is a post from: Blog from Kakasab

શૈક્ષણીક વિડીયો બનાવો અને તમારા દોસ્તોને શીખવો is a post from: Blog from Kakasab

સર્ચ-એન્જીનની દુનિયામાં થોડા સમય પહેલા માઈક્રોસોફ્ટ બીન્ગના આગમન સાથે ધરખમ ફેરફારો જોવા મળ્યા, બીન્ગના નવા દેખાવ અને સુવિધાઓ સાથે સ્પર્ધા કરવા યાહુએ પણ તાજેતરમાં યાહુ સર્ચમાં મોટા પાયે ફેરફારો ફર્યા અને અત્યાધુનિક વેબ-એપ્લીકેશન વડે સક્ષમ કર્યુ હતું. હવે વેબ-ઉત્ક્રાંતિની આ પ્રક્રિયામાં ગુગલ પણ જોડાઈ રહ્યુ છે અને નવા રંગરૂપ અપનાવવા માટેની પૂર્વ તૈયારીઓ કરવા માંડી છે.

નિષ્ણાંતોની એક ટીમ દ્વારા એક અતિ-સુયોજીત દેખાવ નક્કી કરવામાં આવ્યો છે જેનું પરીક્ષણ હાલમાં ગુગલ-લેબ દ્વારા કરવામાં આવી રહ્યુ છે. જો બધુ ધાર્યા પ્રમાણે ચાલશે તો આવતા વર્ષના શરૂઆતથી ગુગલ તેના નવા સ્વરૂપમાં જોવા મળશે. ગુગલના આ નવા સ્વરૂપમાં મુખ્ય ફેરફાર સર્ચ-પેજીસમાં કરવામાં આવી રહ્યા છે, જેમાં જમણી બાજુએ સાઈડબારમાં સર્ચ કરાયેલ શબ્દ વિશે વધારે ઉંડાણથી સર્ચ કરવા માટે તારીખ, દિવસની સાથે ગુગલના અન્ય ડિવીઝનમાં પણ સર્ચ કરી શકાશે જેમ કે ગુગલ મેપ, ગુગલ બુક્સ, ગુગલ વિડીયો, ગુગલ બ્લોગ્સ તેમજ ગુગલની અન્ય સુવિધાઓનો સમાવેશ કરવામાં આવેલ છે.  જોકે સર્ચ-એન્જીનના વપરાશકર્તાઓ માટે આ કોઈ નવી વાત નથી, અગાઉ માઈક્રોસોફ્ટ બીન્ગ તેની રજુઆત સાથે જ આ પ્રકારની સુવિધાઓ તેના છોગામાં લઈને આવેલ.

ગુગલ નો નવો રંગબેરંગી દેખાવ - Google Tests A New Look

આ ઉપરાંત ગુગલના મુખ્ય પેજ માં પણ ફેરફારો કરવામાં આવી રહ્યા છે, લાંબા સમયથી ગુગલના મુખ્ય પેજ પર રહેલા ગ્રે કલરના સર્ચ બટન તેમજ I am feeling lucky બટનને ઘેરા બ્લુ રંગે રંગવામા આવી રહ્યો છે. ગુગલ લોગોમાં પણ થોડા ફેરફાર કરવામાં આવી રહ્યા છે લોગોને એમ્બોસ કરેલો બતાવવાના પ્રયાસ થઈ રહ્યા છે, તેમજ રંગોને વધારે ઘેરા કરવામાં આવી રહ્યા છે. આ ઉપરાંત ગુગલના મુખ્ય પેજ પર ઉપરની તરફ રહેલા મેનુને પણ ફેડ-ઈન થઈ શકે તે પ્રમાણે વિકસાવી રહ્યા છે જેની વાત ફરી ક્યારેક કરીશુ.

ગુગલ મુખ્ય પેજ - New Google Home page

ગુગલના આ નવા સ્વરૂપને સામાન્ય વપરાશકારો  હાલપુરતા જોઈ નહી શકે, કદાચ આવતા વર્ષની શરૂઆત અથવા તો મધ્યભાગમાં જાહેર કરવામાં આવે તેવી શક્યતાઓ જણાય રહી છે. પણ તે પહેલા જો તમે ગુગલના આ નવા સ્વરૂપને માણવા માંગતા હો તો નીચે આપેલ જાવા સ્ક્રિપ્ટને કોપી કરીને તમારા ઈન્ટરનેટ બ્રાઉઝરના એડ્રસબારમાં પેસ્ટ કરો, અને નવુ પેજ ખોલી તેમા ફરીથી ગુગલનું હોમપેજ ખોલો અને કોઈ પણ શબ્દ સર્ચ કરો, આમ કરવાથી ગુગલના નવા સ્વરૂપ ને માણી શકાશે.

javascript:void(document.cookie=“PREF=ID=20b6e4c2f44943bb:U=4bf292d46faad806:TM=1249677602:LM=1257919388:S=odm0Ys-53ZueXfZG;path=/; domain=.google.com”);

૨૦૧૦ માટે ગુગલ નો નવો દેખાવ is a post from: Blog from Kakasab